La dumonda da construcziun per Edy – il skiunz da lain ch'è stà simbol per ils Campiunadis mundials da skis a San Murezzan – è inoltrada. Avant paucs dis hajan represchentants da la scola da skis San Murezzan inoltrà la dumonda a la vischnanca ed al chantun, scriva l'uniun Save Edy. Per savair realisar quai project stoppia l'uniun però er anc ramassar var 100'000 francs.
La Snowsports San Murezzan SA e las pendicularas Engiadina San Murezzan avevan decidì avant curt da salvar Edy. L'idea è da reconstruir la figura da lain en la regiun da skis Salastrains, ina zona ordaifer la zona da construcziun.
RR novitads 15:00