A Segl ha preschentà l’intendant d’Origen, Giovanni Netzer, ils siemis d’ina tur da teater sisum il pass dal Güglia. Ina tur da lain pussibilitass da giugar teater durant tut l’onn e cumpigliass trais salas cun grondas fanestras, uschia che la natira e la cuntrada vegnissan integradas en las scenas.
La tur fiss in fabricat temporar ord elements da lain che vegniss demontada la fin dal 2020. La tur custass radund 2,5 milliuns francs, ed il manaschi dal teater radund 2 milliuns mintg’onn. Fin la fin da schaner dal 2017 duessan esser scleridas la finanziaziun ed ils permiss da fabrica.