Engiadina - In pass en direcziun da la normalitad a Bondo
L'infrastructura dal vitg funcziuna puspè. 65 da var 160 persunas evacuadas han sonda pudì turnar a chasa a Bondo. Tar in aperitiv da bainvegni èn ils abitants da Bondo sa scuntrads ed han gì la pussaivladad da barattar vicendaivlamain lur experientschas. Las emoziuns èn stadas grondas.
La sonda en damaun han ils abitants da la zona verda da Bondo pudì turnar en lur chasas. Dapi là datti puspè aua, forza electrica e la chanalisaziun è era puspè en funcziun.
Il suentermezdi ha gì lieu in aperitiv uffizial per tut ils abitants – in di da festa n'era quai però tuttina betg – i dat anc bler da far. l
La tema, ch'il Cengalo lavura danovamain ed il savair, che otg persunas han pers lur vita cun la bova dals 23.8.2017 dattan numnadamain da pensar als abitants.