Oravant tut la naiv ha fatschentà els, quella mancava en la Bassa. La famiglia Merz Krapf ha schlià il problem cun far midada, da stad vivan els a Seuzach en il chantun Turitg e d’enviern a Scuol.
Als uffants Rachel e Tina vuleva Elvira Merz Krapf mussar la vita da sia patria. Quest è gia il terz enviern ch'els fan la midada, als uffants plascha fitg bain la vita da nomads. Senza il consentiment dals uffants n’avessan els betg fatg quest pass, uschè la mamma Elvira Merz Krapf.
Viver en dus lieus saja mo pussaivel causa che l’um sco era Elvira Merz Krapf, han in job nua ch’els han la pussaivladad da lavurar davent da chasa u era nizzegiar il Mountain Hub.
Ina sfida per la scola
La lescha da scola prescriva a reguard il lieu da scola, che mintga uffant dastga ir là a scola nua ch’el ha la dimora permanenta. Gist quest passus «dimora permanenta» e malenclegentaivel. Els cusseglian perquai als vitgs d’acceptar scolars che restan almain trais mais en scola e quai senza consequenzas finanzialas, vul dir metter quint al vitg nua che l’uffant va normalmain a scola.
En avegnir stoppia però vegnir tratg ina decisiun finala areguard la responsabladad finanziala, uschè il mainascola da Scuol Mario Rauch.
-
Bild 1 von 4. Elvira Merz Kropf cun las duas figlias. Bildquelle: RTR, Armon Schlegel.
-
Bild 2 von 4. Rachel e Tina Krapf tar ils pensums. Bildquelle: RTR, Armon Schlegel.
-
Bild 3 von 4. Rachel e Tina Krapf en lur scola a Scuol. Bildquelle: RTR, Armon Schlegel.
-
Bild 4 von 4. Art. 11 lascha libertads d'interpretaziun. Bildquelle: RTR, Armon Schlegel.
RR actualitad 17:00