Suenter in onn e mez dastga l’Uffizi da construcziun bassa dar liber il nov tunnel «Val Pischöt» per il traffic. Il tunnel è 325 meters lung ed ha custà 16 milliuns francs.
Senza buna infrastructura enfin en las regiuns perifericas, perdessan nus l’identitad
Festa d’inauguraziun
Gievgia ha l’inschigner chantunal Reto Knuchel inaugurà il tunnel. Preschents a la festa d'inauguraziun èn stads cusseglier guvernativ Mario Cavigelli, ils presidents da la vischnanca da Valsot e Samignun, collavuraturs ed abitants. E la Musica unida da Valsot e Tschlin ch'ha enramà la festa d'inauguraziun cun lur producziuns.
Ina realisaziun en quatter etappas
Cun l’avertura dal tunnel «Val Pischöt» è l’emprima da quatter etappas realisada. Fin il 2025 èsi previs da renovar era ils auters 3 tunnels tranter Vinadi e Samignun.
Ord noss archiv:
video
Emprima siglientada tunnel Val Pischöt
Or da Telesguard dals 13.04.2016.
laschar ir. Durada: 2 minutas 34 Secundas.
RR novitads 12:00