Tgi n'enconuscha betg Globi? Il legher utschè blau sin duas chommas cun ses chapè e sias chautschas cotschen-nairas? Uss datti el era per rumantsch. Globi en il Parc Naziunal Svizzer.
Il cudesch «Globi im Nationalpark» datti dapi l'onn 1993. Dapi lura è el vegnì restampà 11 giadas. I dat er in'ediziun englaisa. Da tut il titels tudestgs è «Globi im Nationalpark» quel cun la pli stretga relaziun tar il chantun Grischun.
Da Globi emprend'ins gugent
En quest titel renda Globi attent a las bellezzas ma era a las reglas dal Parc Naziunal Svizzer.
La translaziun
Ina gronda sfida èn stads ils texts en rima. Aita Dermont-Stupan ha translatà l'entir text. Ella ha prendì il cudesch da Globi ad alp ed è sa deditgada sur stad a las rimas ed ils ritems da Globi.
Vernissascha a Zernez
Oz è vegnì preschantà il cudesch ch'è gist ussa rivà da la stampa a Zernez en il Center dal Parc Naziunal Svizzer. Duas classas ed uffants pli pitschens han tadlà cun ureglias avertas ed eran fitg satisfatgs.
1 / 3
Legenda:
Globi en il Parc Naziunal
Il cudesch è hoz vegnì preschantà a Zernez en il Center dal Parc Naziunal Svizzer.
RTR/U. Morell
2 / 3
Legenda:
Aita Dermont - Stupan
Ella ha translatà e scrit las rimas pel Globi en il Parc Naziunal.
RTR/U. Morell
3 / 3
Legenda:
Las rimas èn vegnidas preschantadas a scolars da Zernez
Duas classas da Zernez han visità la prelecziun. Las scolaras ed ils scolars han tadlà cun ureglias avertas las rimas en rumantsch grischun.
RTR/U. Morell
