La suprastanza communala è cuntenta da pudair preschentar in quint annual positiv. Tar in gudogn da CHF 23‘488‘856.34 ed expensas da CHF 20‘517‘598.43 han ins cuntanschì in gudogn da CHF 2‘971‘257.91.
Chasa da tgira Promulins
La radunanza communala ha approvà in credit per projectar ina chasa d’attempads sin l’areal da Promulins per bunamain 1,5 milliuns francs. La part che Schlarigna surpiglia munta a 280’000 francs.
La tgira Engiadin'Ota ha elavurà in concept grob. Ins quinta che l'Engiadin'Ota dovra 120 fin 156 letgs da tgira. Tenor la planisaziun vegnan ils letgs scumpartids sin las duas chasas da tgira a Samedan e San Murezzan.
La chasa d'attempads e da tgira Promulins è vegnida construida l'onn 1980 ed engrondida l'onn 1992 cun in tract da tgira. La chasa actuala na correspunda betg pli a las las pretensiuns ad ina chasa da tgira moderna.
Ospital Engiadin'Ota
Plinavant ha la radunanza, tranter auter, decis da transfurmar l’ospital d’Engiadin’Ota en ina fundaziun da dretg privat.
Eroport regiunal Samedan
La radunanza ha era approvà la lescha per promover l’eroport regiunal da Samedan. L'eroport duai segirar il traffic aviatic en l'Engiadin'Ota.
RR novitads 08:00
