Dapli che 82% da las votantas e votants da l‘Engiadin’Ota han ditg gea al project sanaziun plazza aviatica a Samedan. Sper il credit da 8,5 milliuns francs surpiglian las vischnancas da l‘Engiadin’Ota er la garanzia per in chapital ester da 9,5 milliuns francs.
Divers midaments da l'infrastructura
Ils 22 milliuns vegnan investì tranter auter en il Tower, la segirezza da sgol per atterrar e sgular davent u er la separaziun tranter eroplans e helicopters. Igl è previs da cumenzar cun las lavurs il 2019. Il 2022 duess la sanaziun plazza aviatica da Samedan esser a fin.