L'autura tessinaisa Anna Felder vegn onurada per sia ovra cumplessiva. Ella haja in stil subtil, marcà da umanitad ed umor, scriva l'Uffizi federal da cultura. Il premi spezial per translaziuns survegn l'autura e translatura Yla Margrit von Dach che scriva en tudestg. Plinavant vegnan er premiadas ovras publitgadas il 2017.
Dumenic Andry survegn 25'000 francs
Cun il premi da litteratura pign vegnan sper Dumenic Andry er onurads sis ulteriuras auturas ed auturs:
- Fabiano Alborghetti, Rancate, «Maiser», Marcos y Marcos
- Michael Fehr, Berna, «Glanz und Schatten», Der gesunde Menschenversand
- Baptiste Gaillard, Losanna, «Un domaine des corpuscules», Hippocampe Editions
- Yael Inokai, Berlin, «Mahlstrom», Edition Blau bei Rotpunktverlag
- Friederike Kretzen, Basilea, «Schule der Indienfahrer», Stroemfeld Verlag
- Jérôme Meizoz, Lausanne, «Faire le garçon», Editions Zoé
La surdada dals premis è ils 15 da favrer en la Biblioteca naziunala svizra a Berna.
RR novitads 11:00