![Edy vegn demontà](https://www.rtr.ch/static/cms/images/960w/6bad52.jpg)
Cun ina gronda crana han lavurants demontà il skiunz Edy che stava enfin ussa en il Kulm Park a San Murezzan. Edy era il simbol per ils Campiunadis mundials da skis a San Murezzan. Ussa fa Edy la pausa en in depot enfin ch'i è cler nua che Edy vegn ad esser posiziunà finalmain. Camiuns han transportà ils singuls tocs dad Edy.
Figura legendara
Cun 19 meters autezza e 6 tonnas pais è Edy stà ina figura da lain imposanta ed è daventà il simbol per ils Campiunadis mundials da skis. Ses num ha el dal skiunz indigen Edy Reinalter che era campiun olimpic l'onn 1948 a San Murezzan. La figura da lain Edy ha custà radund 500'000 francs.
![Edy](https://www.rtr.ch/static/cms/images/960w/23d76b.jpg)