Engiadina Bassa - Gronds donns en il guaud suenter la burasca

En la regiuns tranter Guarda e Sur En d'Ardez han ils vents ferms sragischà e sfratgà pliras 100 plantas sin ina surfatscha da 8 fin 10 hectaras. L'uffizi da guaud e privels da la natira n'ha betg anc quantifitgà il donn. Sco ch'Antonin Hugentobler, il selvicultur da Scuol, ha ditg envers RTR giaja ussa per survegnir ina survista dals donns concrets en il guaud per quantifitgar la surfatscha ed il dumber exact da las plantas cupitgadas.

Ils donns en il guaud

Cupitgads sco zulprins

Il bufs sajan stads fitg locals, per quai n'haja er betg dà in avertiment da malaura. Perditgas raquinta da plantas ch'eran tendidas sco balesters, tscherts hajan puspè sa mess si, entant ch'auters èn cupitgads e sfess sco zulprins.

Tut las plantas per terra duain vegnir allontanadas, quai er per impedir ch'il bau-scorsa, che sa derasa en la regiun, va vi dad ellas.

Or da l'archiv