L’emna passada è vegnì preschentà il project d’exposiziun e mess si ils profil. Ma sco che Roger Stäubli, il schef da construcziun da vias dal chantun ha ditg, n’èsi anc betg decis, tge project che vegn realisà sco emprim.
Sta Maria n’è betg pertutgà, quel po vegnir realisà independentamain da tschels 2. Tar La Punt e Susch è quai auter. In da quels 2 projects vegn fabritgà cura ch’il sviament da Silvaplauna è a fin; pia a partir dal 2018. Tge project che ha prioritad vegn decis en il decurs dal 2016 e dal 2017.