A Puntraschigna duai vegnir installà dus implants da fotovoltaica. Sco quai che la vischnanca communitgescha ha la radunanza communala dà glisch verda per ils implants sin la chasa da scola «Puntraschins Sur» e l'auter tar il bogn «Bellavita». Ils dus lieus sajan fitg adattads ed ins possia era producir ils mais d'enviern current solar, hai num.
Visiun da l'autarchia energetica
La radunanza communala ha era approvà e declerà lianta la strategia d'energia per Puntraschigna. La strategia cun la visiun dad en l'avegnir pudair producir sezza tut l'energia che la vischnanca dovra. Quai grazia a la posiziun geografica favuraivla da la vischnanca. La strategia duai vegnir realisada cun criteris ecologics ed economics.
Quint cun dapli entradas e damain investiziuns che budgetà
Ultra da quai ha la radunanza communala da Puntraschigna approvà il quint 2021 che serra cun in surpli d'entradas da 3,92 milliuns francs. Da l'autra vart ha la vischnanca realisà mo 58% da las investiziuns bruttas (8,36 milliuns francs).
Inscenar da nov la chavorgia permez vischnanca
Ultra da quai duai la chavorgia communala «Ova da Bernina» vegnir inscenada da nov. Ina chanzla panoramica en la chavorgia ed in plateau panoramic gist tar la punt demussian che la chavorgia permez la vischnanca saja gia stada in'attracziun turistica il tschientaner passà, scriva la vischnanca en il communitgà. Perquai duai questa vegnir inscenada da nov dals victurs da la concurrenza.
