La proprietaria da la parcella prevesida en il territori Promulins a Samedan è la vischnanca burgaisa. Quella n’è però betg pronta da vender il terren a la vischnanca. Sco Christian Brantschen, commember da la cumissiun da la planisaziun regiunala ha ditg envers RTR, vegn uschia be pli en dumonda l'areal Signal a San Murezzan.
En in proxim pass duai la vischnanca da San Murezzan far scleriments pli detagliads sch'il terren è disponibel. Damai che plirs acturs èn involvids, vul quai tenor Brantschen però temp. Sche tut va sco giavischà, saja ina votaziun regiunala però pussaivla la primavaira dal 2021.
