L’opziun da l’arena da glatsch Ludains a San Murezzan na vegn betg pli persequitada vinavant. Uss vul la vischnanca da San Murezzan però laschar sclerir la pussaivladad d’ina halla da glatsch en il territori da l’areal Signal.
Ils presidents da la regiun Malögia han approvà la gievgia questa dumonda. Tenor Christian Brantschen, il president da la cumissiun d’associaziun regiunala da planisaziun, saja lur lezia da resguardar tut ils lieus pussaivels ed alura decider co vinavant.
Anc adina trais lieus pussaivels
Sper ils dus lieus a Samedan, in en il territori Promulins e l’auter en vischinanza da la plazza aviatica, è il terz lieu uss pia a San Murezzan Signal.
La fin dal schaner 2020 duai tenor Christian Brantschen vegnir decis tgenin‘opziun che duai alura vegnir elavurada concret.
RTR, actualitad 17:00
