La fundaziun per il provediment da sanadad en l'Engiadin'Ota ha fatg l'onn 2022 in gudogn da radund 1 milliun francs. L'onn avant era quai anc 30'000 francs. Quai tar entradas ed expensas d'enturn 59 milliuns francs. Tenor il rendaquint saja quai era d'attribuir ad in meglier resultat da l'ospital, surtut pervi da dapli cas staziunars, che procuran per 66% da las entradas. L'onn passà èn 2'839 pazientas e pazients staziunars vegnids tgirads en l'ospital a Samedan.
Spetgà resultat pli modest per quest onn
La chasa da tgira Promulins fa ora 13% da las entradas, il maun public e privats er 13% e la Spitex 4% da las entradas. Per quest onn quinta la fundaziun però cun cifras pli modestas, d'ina vart pervi da la renovaziun totala che succeda en etappas, però era tras ils custs che creschan tar persunal e rauba.