Edgar Vital 1883 – 1970 - Ftan commemorescha a l'artist indigen Edgar Vital

Cuntradas e purtrets quai era la passiun dad Edgar Vital. Suenter la scolaziun sco artist a Minca, Firenza, Roma e Paris è el turnà durant l’emprima guerra mundiala en patria. Sin il plaun sut il tetg da la chasa da sia famiglia ha el dissegnà, è daventà president communal ed ha surpiglià diversas incumbensas politicas.

Edgar Vital n’era betg in revoluziunari, in artist che ristga da far experiments artistics. Cun restar in artist genuin ha el pers la colliaziun cun l’art contemporan e cun quai pli e pli la colliaziun cun la scena d’art da quel temp.

Vita, ovras e lavur

La societad «Art Edgar Vital» commemorescha ussa a l'artist indigen ch'è mort avant 50 onns. En las localitads da l'Institut Otalpin dastgan ins admirar ils maletgs dissegnads cun colurs marcantas ed amur per mintga detagl. L’exposiziun è averta a partir dals 15 da favrer enfin il prim da mars 2020.

RTR actualitad 17:00