La savida per far turas n’è betg da sutvalitar. Sper l’equipament d’ina pala, ina sonda ed in apparat da tschertgar disgraziads en lavinas han ins er da savair valitar la situaziun da la naiv e la topografia. Emprender pon ins quai en in curs da lavinas.
audio
Focus lavinas – curs da lavinas per skiunzs da tura
ord Actualitad dals 11.02.2020.
laschar ir. Durada: 2 minutas 40 Secundas.
La basa per ir en tura cumenza gia a chasa: Numnadamain cun la planisaziun da la tura – stippezza da la costa, quanta naiv ch’igl ha e l’aura actuala èn puncts ch'igl è da resguardar.
En il curs da lavinas na vegn betg be mussada la part teoretica, mabain er la part pratica. I vegn mussà als participants co l’apparat da tschertgar disgraziads en lavinas funcziuna ed er, co ch’ins ha da lavurar cun sonda e pala per chavar or ina persuna d’ina lavina.
RTR actualitad 6:00