Mintg’onn datti in nov project. Tar il cor project vegnan mintg’onn ensemen chantaduras e chantadurs per chantar ensemen durant in temp limità. Curdin Lansel è stà l'iniziant da quella idea ed ha manà il cor project in Engiadina durant 30 onns.
Per mai è quai in mument fitg commovent da chalar ma da l’autra vart sun jau cuntent d’avair chattà ina successiun
Gia avant 30 onns avevan ils chors communals problems cun chattar chantaduras e chantadurs. Perquai ha el cumenzà cun realisar mintg’onn in project limità, sche bain ch'era quella varianta n’è betg adina sta il mellen dal ov, uschè Curdin Lansel. Gist a la davosa festa da chant han els desistì sin la participaziun, quai per pussibilitar a las chantaduras e chantadurs da sa participar en ils cors da vischnanca.
Marcel Heis il nov dirigent
Durant 30 onns ha Curdin Lansel manà il cor. Ussa però èsi temp da chalar e surdar a novs mauns. Quai è tenor el ina schanza ed il gist mument. El prevesa da sa participar en avegnir sco chantadur, ma propi decis definitivamain n'ha el anc betg.