Siglir tar il cuntegn

Chastè da Tarasp Cumenzà las lavurs da sanaziun

Planisà è da dar al chastè in «facelifiting». Las lavurs han cumenzà e duain durar circa trais onns. Quasi 1'000 onns va enavos l’istorgia dal chastè. Blers midaments da possessurs ed architectura ha el endirà. Al cumenzament da l’ultim tschientaner è el vegnì renovà cumplettamain.

Rumida porta dapli lavur

Per eruir ils donns da la fatschada èn ils responsabels londervi da metter en pe ina puntanada. Betg la pli simpla lavur, il chastè è vegnì fabritgà sin in grip. Per metter si la puntanada èsi stà cler ch’il grip duai l'emprim vegnir rumì da bostga e crappa.

Dapli «barbachans» che pensà

Ils barbachans èn mirs da sustegn ch'èn vegnids installads sut gronds craps dal grip per impedir els da glischnar ed uschia metter en privel tut ils edifizis dal chastè. Durant la rumida èn vegnids scuverts plirs pitschens barbachans che duain uss vegnir examinads e lura pon ils responsabels dal chantun e chastè decider ils proxims pass.

Pajar la renovaziun

Il chastè è protegì sco monument naziunal. Ils custs per la sanaziun vegnan spartids si tranter il chantun, la Confederaziun e diversas fundaziuns.

Or da l'archiv:

RTR Telesguard 17:40

Artitgels legids il pli savens