La radunanza communala da la vischnanca da Valsot aveva consenti il 2021 in credit dad in milliun francs per fabritgar in nov object per la butia .
Il nov bajetg fabritgà sin plazza da scola è ussa pront per far la midada. Sper la butia datti er in café. Bleras gidantras e gidanters da la populaziun da Ramosch gidan ussa a far la midada da las localitads anteriuras en il nov bajetg.
Impressiuns da la midada
-
Bild 1 von 5Legenda: La butia veglia serra sias portas. RTR -
Bild 2 von 5Legenda: E vegn svidada. RTR
-
Bild 3 von 5Legenda: La butia nova sin la plazza da scola RTR
-
Bild 4 von 5Legenda: Ella vegn emplenida ed endrizzada. RTR
-
Bild 5 von 5Legenda: La nova butia avra las portas ils 25 da mars. RTR
Difficultads cun la localitad veglia
Dal 2019 aveva la famiglia Häfner, che manava la butia a Ramosch communitgà da serrar causa pensiun. Els han surdà la butia a Wanda Hopmann. Pervia da differenzas tranter il possessur da l'object e la manadra da butia han ins finalmain stuì tschertgar novas localitads .
La nova butia amez la fracziun da Ramosch prevesa d'avrir sias portas ils 25 da mars.