Durant ils proxims stgars dus onns vegn renovà e modernisà il Centro Sanitario Bregaglia (CSB). Planisà è da renovar ils edifizis existents e da fabritgar in nov edifizi annex per survegnir dapli spazi e per pudair adattar las spiertas medicinalas al temp d’ozendi.
Pass impurtant per il Centro Sanitario
Schegea che la situaziun da sanadad è per il mument difficila e la tendenza è da centralisar ospitals, investescha il Centro Sanitario var 15 milliuns francs. Quai saja mo pussaivel grazia a la buna situaziun finanziala dal CSB ed il sustegn da la vischnanca da Bregaglia. Lezza surpiglia vinavant ina part dals custs, ha il president dal cussegl administrativ – Maurizio Michael – ditg. Las lavurs da construcziun duran stgars dus onns – il december dal 2025 duai il nov Centro Sanitario Bregaglia avrir sias portas.
