Dapi blers onns datti gia il «Interreg Terra Raetica», qua sa tracti dad ina collavuraziun sur cunfin tranter las regiuns dal Vnuost, dal Tirol dal Nord ensemen cun la regiun Engiadina Bassa Val Müstair.
18 projects èn planisads enfin l'onn 2027, total prevesan els d’investir radund 680’000 Euros. Il program communabel prevesa projects en differentas direcziuns, sco en la sparta mobilitad, energia, clima, agricultura, sanadad e turissem ed era cultura.
Tar in da quels projects sa tracti d’unir musicantas e musicants da tuts trais pajais per realisar ina musica instrumentala sut il num Brass Band Terra Raetica. Cun quest project preves'ins da promover la musica e da chattar collavuraziuns tranter ils trais pajais, respectiv regiuns vischinas. Il cussegl interregiunal Terra Reatica prevesa d’investir radund 30’000 Euros en quel project.
Durant trais fins d’emna il settember ed october vegnan fatgas las provas communablas cun la finamira da far in concert a Tschlin. Sche il project da pilot ha success preves'ins da cuntinuar.