Mardi, ils 4 da favrer, han cumenzà ils campiunadis mundials da ski alpin a Saalbach en l'Austria. Suenter l'emprima occurrenza – l'event da team – ha la Svizra gia enta maun l'emprima medaglia. La Svizra è ina naziun da skis, tar occurrenzas grondas turnan atletas ed atlets svizzers adina puspè a chasa cun medaglias.
Il debachel a Buorm il 2005
In campiunadi mundial da skis è restà spezial bain en memoria: L'onn 2005 – tar ils champiunadis mundials a Buorm (Bormio) – n'ha la Svizra fatg naginas medaglias. In «super gau», sco il schef da sport da prestaziun da Swiss-Ski – Gian Gilli – aveva descrit la situaziun da lez temp. I saja stà dir d'acceptar la situaziun e star nà per dar pled e fatg, raquinta il Rumantsch.
Jau aveva la responsabladad, hai gì da star nà e dar pled e fatg. Mintgatant era quai schont stentus.
Suenter Buorm è bler sa midà
Il debachel da Buorm haja però era gidà. Gian Gilli descriva quel sco punct da partenza per professiunalisar las structuras dal sport da skis alpin en Svizra – e quai cun success. La Svizra è ozendi numnadamain puspè ina da las naziuns fermas en la scena da skis.