Legenda:
Stgars in terz dapli ha la sanaziun da l'alloschi sut la chasa da scola da Bever custà.
MAD, www.engadin.stmoritz.ch
cuntegn
Bever - Sanaziun da l'alloschi da la chasa da scola ha custà dapli
170'000 francs aveva il suveran deliberà per sanar l'alloschi da la chasa da scola. Passa 230'000 francs han las lavurs la fin finala custà. La radunanza communala sto perquai deliberar in credit supplementar da radund 64'000 francs.
Planisà era en emprima lingia dad allontanar ils indrizs da l'implant civil e da sanar las tualettas e las duschas. Durant la sanaziun che ha durà mo dus mais hajan ins dentant constatà ch'i dat ulteriuras chaussas che fissan bunas da realisar, uschia par exempel fanestras. Ch'ils raps na bastian betg per quai hajan ins constatà pir suenter.
Tenor la suprastanza n'è la planisaziun betg stada ideala. Ella è tuttina persvadida che las lavurs fatgas supplementarmain hajan ina valur supplementara per l'alloschi.
