En Engiadina vivan per il mument in urs e trais lufs. Ils lufs en spezial han chaschunà problems. Ultimamain a Zuoz, nua che set nursas èn daventadas victimas.
Infurmar la populaziun
Cun las sairas d'infurmaziun vul l'Uffizi da chatscha e pestga era mussar co ch’ins duai sa cumportar sch'i dat contact cun la biestga rapazia. Era la biologia dal luf era tema. Il pli impurtant dentant saja stà la situaziun actuala en l’Engiadina. La sairada n'era betg pensada per respunder dumondas specificas, sco per exempel quellas dals purs, mabain da quellas generalas dal pievel.
