Per il presidi communal da Bever vegni a dar in cumbat electoral tranter trais persunas. Las suandantas trais persunas han annunzià lur candidatura:
- Roland Margadant, annada 1959
- Selina Nicolay, annada 1988
- Victorina Vital, annada 1965
Oriundamain aveva er Matthias Guidon annunzià sia candidatura. Ils 6 da settember ha el dentant annunzià ch'el retiria sia candidatura or da motivs da sanadad.
Las trais persunas che candideschan per il presidi
Il pensum sco president communal a Bever vegn inditgà cun 30 %. Il president communal actual Fadri Guidon aveva annunzià sia demissiun il fanadur per quest atun. La populaziun da Bever decidida en in emprim scrutini ils 17 da settember 2023. En cas d’in segund scrutini avess quel lieu ils 22 d’october 2023.
La persuna surpiglia tut tenor cura ch'ella è a disposiziun l'uffizi, sin il pli tard dentant il prim da schaner 2024.
audio
Per tadlar: las novitads da las 15:00
ord RTR Audio dals 06.09.2023.
laschar ir. Durada: 2 minutas 25 Secundas.
