En plirs lieus è la Clozza ida sur la riva ora ed ha chaschunà donns considerabels. Plinavant ha la Clozza tratg cun sai bler material, belma, crappa, bostga e perfin in auto. Persunas n’èn betg sa blessadas.
9 bovas van a val – 7 en val S-charl
Ils ferms temporals da mesemna avevan gia chaschunà gronds donns sin il territori dal la vischnanca da Scuol. Il pli ferm pertutgada è la Val S-charl. Là èn vegnidas giuadora 7 bovas.
La via resta serrada segir enfin sonda, conferma Jon Carl Stecher, il manader tecnic da la vischnanca da Scuol ad RTR. La fracziun da S-charl è quatras serrada giu dal traffic, senza forza electrica ed era senza telefon. Er a pè na saja quai betg pussaivel da vegnir en la Val S-charl, perquai che sin in traject da radund 100 meters saja la via inundada.
Jon Carl Stecher quinta che circa 100'000 meters-cubics material sajan vegnids a val.
-
Bild 1 von 23. Sche questa pitga croda lura è l’Engiadina Bassa senza electricitad. Bildquelle: RTR, R. Mayer.
-
Bild 2 von 23. Las lavurs da rumir han gia cumenzà. Bildquelle: pocha.
-
Bild 3 von 23. Bova da clozza ha sutterrà in auto. Bildquelle: pocha.
-
Bild 4 von 23. Entiras planiras plain clozza. Bildquelle: RTR, R. Mayer.
-
Bild 5 von 23. Las bovas han er destruì vias e punts. Bildquelle: RTR, R. Mayer.
-
Bild 6 von 23. Clozza senza fin. Bildquelle: Roland Vital.
-
Bild 7 von 23. Clozza e blera merda che vegn a val. Bildquelle: Roland Vital.
-
Bild 8 von 23. Clozza e merda era sin las vias. Bildquelle: Roland Vital.
-
Bild 9 von 23. En l'auto ch'è da vesair en l'aua gronda da la Clozza n'eran naginas persunas, han confermà ils pumpiers da Scuol ad RTR. Bildquelle: RTR, R. Mayer.
-
Bild 10 von 23. La Clozza maina vinavant aua gronda e pumers sragischads. Bildquelle: RTR, R. Mayer.
-
Bild 11 von 23. Las auaziuns han chaschunà gronds donns. Bildquelle: RTR, C. Fliri.
-
Bild 12 von 23. Las consequenzas da las bovas en la Val S-charl. Bildquelle: MAD.
-
Bild 13 von 23. Las consequenzas da las bovas en la Val S-charl. Bildquelle: MAD.
-
Bild 14 von 23. La via en Val S-charl resta serrada segir enfin sonda. Bildquelle: MAD.
-
Bild 15 von 23. La bova ha per part manà gronda crappa a Pradella. Bildquelle: pocha.
-
Bild 16 von 23. Bova ha destruì plirs autos. Bildquelle: RTR.
-
Bild 17 von 23. Il donn material è grond a Pradella. Bildquelle: RTR.
-
Bild 18 von 23. Bova sin il camp da vacanzas a Pradella. Bildquelle: RTR.
-
Bild 19 von 23. La bova ha manà bler material en la fracziun Pradella. Bildquelle: pocha.
-
Bild 20 von 23. La bova è ida per mez la fracziun da Pradella. Bildquelle: pocha.
-
Bild 21 von 23. La segunda bova en la val Lischana. Bildquelle: RTR, R. Mayer.
-
Bild 22 von 23. Clozza senza fin. Bildquelle: Roland Vital.
-
Bild 23 von 23. La segunda bova en la val Lischana. Bildquelle: RTR, R. Mayer.
Gronds donns era tras 2 bovas en la fracziun Pradella
A Pradella eran gievgia saira duas bovas idas a val en la Val Lischana e la Val Triazza.
Sco quai che la polizia chantunala grischuna scriva, haja in champ da vacanzas stuì vegnir evacuà. En tut sajan 140 persunas (100 uffants e 40 manaders) vegnidas manadas en il center da la protecziun civila a Scuol.
Ils pumpiers han surveglià la situaziun la notg. Persunas blessadas na datti naginas. Ils donns da material èn dentant gronds. Plirs autos e pliras chasas èn vegnidas donnegiadas. La summa dals donns n’è anc betg enconuschenta.
«L'emprim è vegnì a val bler material e bun ina mes'ura pli tard lura la gronda bova», di Carla Wetzel, ina perditga vers Radio Rumantsch.
Nus n’avain betg realisà ch’i pudess vegnir giuador insatge uschia.
Meteorologs conferman 40-50 mm plievgia entaifer curt temp
Ier saira hai dà plirs urizis – per part er ferms – en il Grischun. Cunzunt l'Engiadina Bassa enturn la regiun da Scuol è stada pertutgada. Il resultat: Pliras bovas. En la regiun sur Pradella è ina cella da plievgia stada eri precis sur il flum ed ha uschè chaschunà la bova.
Il meteorolog dad SRF, Christoph Sigrist declera quai cun blera umiditad che va cun il vent ensi, uschia che daguts sa furman. Quels daguts daventan lura pli e pli gronds ed uschia dat quai daratga. Precis quai è capità a Scuol – uschia che 40 fin 50 mm plievgia èn vegnids entaifer curt temp a terra e quai precis sur il flum. Entras quai è quel s’emplenì e la bova è sa furmada.