![Inundaziuns e bovas en la vischnanca da Scuol](https://il.srgssr.ch/images/?imageUrl=https%3A%2F%2Fdownload-media.srf.ch%2Fworld%2Fimage%2Fvideo%2F2015%2F07%2F619af004a21644789d85cbbe87778e9c.png&format=jpg&width=960)
![Bova en la fracziun Pradella ha fatg gronds donns](https://il.srgssr.ch/images/?imageUrl=https%3A%2F%2Fdownload-media.srf.ch%2Fworld%2Fimage%2Fvideo%2F2015%2F07%2Feedb62cdf912496e82b69a608a1f07c5.png&format=jpg&width=960)
En plirs lieus è la Clozza ida sur la riva ora ed ha chaschunà donns considerabels. Plinavant ha la Clozza tratg cun sai bler material, belma, crappa, bostga e perfin in auto. Persunas n’èn betg sa blessadas.
9 bovas van a val – 7 en val S-charl
Ils ferms temporals da mesemna avevan gia chaschunà gronds donns sin il territori dal la vischnanca da Scuol. Il pli ferm pertutgada è la Val S-charl. Là èn vegnidas giuadora 7 bovas.
La via resta serrada segir enfin sonda, conferma Jon Carl Stecher, il manader tecnic da la vischnanca da Scuol ad RTR. La fracziun da S-charl è quatras serrada giu dal traffic, senza forza electrica ed era senza telefon. Er a pè na saja quai betg pussaivel da vegnir en la Val S-charl, perquai che sin in traject da radund 100 meters saja la via inundada.
Jon Carl Stecher quinta che circa 100'000 meters-cubics material sajan vegnids a val.
![Pitga d’electricitad amez la clozza en la vischinanza da Scuol.](https://www.rtr.ch/static/cms/images/960w/c90a89.jpg)
![La bova ha manà blera clozza a val.](https://www.rtr.ch/static/cms/images/960w/9534ed.jpg)
![Bova da clozza ha sutterrà in auto.](https://www.rtr.ch/static/cms/images/960w/3e5df3.jpg)
![Entiras planiras plain clozza.](https://www.rtr.ch/static/cms/images/960w/d1534b.jpg)
![Las bovas han er destruì vias e punts.](https://www.rtr.ch/static/cms/images/960w/1eca5e.jpg)
![Clozza senza fin.](https://www.rtr.ch/static/cms/images/960w/d4feef.jpg)
![Clozza e blera merda che vegn a val.](https://www.rtr.ch/static/cms/images/960w/e4eafc5.jpg)
![Clozza e merda era sin las vias.](https://www.rtr.ch/static/cms/images/960w/2490fb.jpg)
![aual Clozza che maina fitg bler'aua ed in auto en las auas](https://www.rtr.ch/static/cms/images/960w/063971.jpg)
![aua gronda cun pumers](https://www.rtr.ch/static/cms/images/960w/3f9e9f.jpg)
![l'aua ch'ha donnegià la via - maglià ora l'ur da la via](https://www.rtr.ch/static/cms/images/960w/53d2f2.jpg)
![Las consequenzas da las bovas en la Val S-charl.](https://www.rtr.ch/static/cms/images/960w/4abed6.jpg)
![Las consequenzas da las bovas en la Val S-charl.](https://www.rtr.ch/static/cms/images/960w/fffd39.jpg)
![La via resta serrada segir enfin sonda,](https://www.rtr.ch/static/cms/images/960w/1a39c5.jpg)
![Bova e blera crappa amez Pradella.](https://www.rtr.ch/static/cms/images/960w/c2c7cc.jpg)
![Bova ha destruì plirs autos.](https://www.rtr.ch/static/cms/images/960w/ee5a69.jpg)
![Chasas ed autos a Pradella donnegiads da la bova.](https://www.rtr.ch/static/cms/images/960w/89f3eb.jpg)
![Bova sin il camp da vacanzas a Pradella.](https://www.rtr.ch/static/cms/images/960w/93192e.jpg)
![La bova ha manà bler material en la fracziun Pradella.](https://www.rtr.ch/static/cms/images/960w/3f2a49.jpg)
![Bova per mez la fracziun da Pradella.](https://www.rtr.ch/static/cms/images/960w/2d05c6.jpg)
![La segunda bova en la val Lischana.](https://www.rtr.ch/static/cms/images/960w/ed63f4.jpg)
![Clozza senza fin.](https://www.rtr.ch/static/cms/images/960w/42818e.jpg)
![La segunda bova en la val Lischana.](https://www.rtr.ch/static/cms/images/960w/14ff3f.jpg)
Gronds donns era tras 2 bovas en la fracziun Pradella
A Pradella eran gievgia saira duas bovas idas a val en la Val Lischana e la Val Triazza.
Sco quai che la polizia chantunala grischuna scriva, haja in champ da vacanzas stuì vegnir evacuà. En tut sajan 140 persunas (100 uffants e 40 manaders) vegnidas manadas en il center da la protecziun civila a Scuol.
Ils pumpiers han surveglià la situaziun la notg. Persunas blessadas na datti naginas. Ils donns da material èn dentant gronds. Plirs autos e pliras chasas èn vegnidas donnegiadas. La summa dals donns n’è anc betg enconuschenta.
«L'emprim è vegnì a val bler material e bun ina mes'ura pli tard lura la gronda bova», di Carla Wetzel, ina perditga vers Radio Rumantsch.
![Carla Wetzel, ina vischina da Pradella.](https://www.rtr.ch/static/cms/images/960w/2938bd.jpg)
Nus n’avain betg realisà ch’i pudess vegnir giuador insatge uschia.
Meteorologs conferman 40-50 mm plievgia entaifer curt temp
Ier saira hai dà plirs urizis – per part er ferms – en il Grischun. Cunzunt l'Engiadina Bassa enturn la regiun da Scuol è stada pertutgada. Il resultat: Pliras bovas. En la regiun sur Pradella è ina cella da plievgia stada eri precis sur il flum ed ha uschè chaschunà la bova.
Il meteorolog dad SRF, Christoph Sigrist declera quai cun blera umiditad che va cun il vent ensi, uschia che daguts sa furman. Quels daguts daventan lura pli e pli gronds ed uschia dat quai daratga. Precis quai è capità a Scuol – uschia che 40 fin 50 mm plievgia èn vegnids entaifer curt temp a terra e quai precis sur il flum. Entras quai è quel s’emplenì e la bova è sa furmada.
-
audioNovitads: La situaziun acutala a Scuol (20:00)01:44 min, ord RTR Audio dals 23.07.2015.laschar ir. Durada: 1 minuta 44 Secundas.
-
audioMezdi: Discurs cun il president da Scuol Christian Fanzun davart las bovas04:55 min, ord Actualitad dals 24.07.2015.laschar ir. Durada: 4 minutas 55 Secundas.
-
audioBunura: En tut 9 bovas en la regiun da Scuol02:10 min, ord Actualitad dals 24.07.2015.laschar ir. Durada: 2 minutas 10 Secundas.
-
audioSaira: Jon Carl Stecher davart las bovas en la Val S-charl03:44 min, ord Actualitad dals 23.07.2015.laschar ir. Durada: 3 minutas 44 Secundas.
-
audioMezdi: Duas bovas en la regiun da Scuol-Pradella03:11 min, ord Actualitad dals 23.07.2015.laschar ir. Durada: 3 minutas 11 Secundas.
-
audioCarla Wetzel, ina perditga da la bova a Scuol-Pradella01:59 min, ord Actualitad dals 23.07.2015.laschar ir. Durada: 1 minuta 59 Secundas.
-
audioSaira: Ils ferms urizis locals en la regiun da Scuol01:51 min, ord Actualitad dals 23.07.2015.laschar ir. Durada: 1 minuta 51 Secundas.