Als lais da Silvaplauna e Segl - Il mecca dals sportists d'aua
Ils lais da l'Engiadin'Ota èn amads e bramads da sportists d'aua. Il lai da Silvaplauna è il mecca per kiters e windsurfers, il lai da Segl plitost per bartgas a vela. Sin il lai da Segl va era l'unica bartga da lingia dal Grischun. RTR è stà da viadi a la riva e sin ils lais.
1 / 5
Legenda:
Il lai da Silvaplauna vala sco mecca per sportists d'aua.
RTR, Georg Luzzi
2 / 5
Legenda:
Il lai da Silvaplauna avant il travasch.
RTR, Riccarda Müller
3 / 5
Legenda:
Ina gronda part dals giasts sin il campadi èn sportistas e sportists d'aua.
RTR, Riccarda Müller
4 / 5
Legenda:
A la riva dal lai da Silvaplauna è il center da surf e da sport.
RTR, Riccarda Müller
5 / 5
Legenda:
Il lai è l'ideal lieu per giudair in glatsch
RTR, Riccarda Müller
A la riva dal lai da Silvaplauna è il center da surf, il center da sport ed il campadi. Apaina ch'il vent cumenza en il decurs da l'avantmezdi datti lura vita sin il lai turchis. Sin la part sut vers Surlej sa mettan en moviment ils kitesurfers, sin la part sura ils windsurfers. Blers dad els han lur homebase en in bussin, ina tenda ni ina rulotta sin il campadi.
audio
Intervista cun Sarah Missiaen, manadra dal center da surf
05:03 min, ord Actualitad dals 22.07.2022.
laschar ir. Durada: 5 minutas 3 Secundas.
audio
Lai da Silvaplauna: Discurs cun sportist d'aua Andri Heimgartner
03:15 min, ord Actualitad dals 22.07.2022.
laschar ir. Durada: 3 minutas 15 Secundas.
audio
Il travasch sin il lai da Silvaplauna cumenza
04:59 min, ord Actualitad dals 22.07.2022.
laschar ir. Durada: 4 minutas 59 Secundas.
Blers sportists d'aua al Camping Silvaplauna
Chalur e bun'aura: quai saja il recept per avair blers giasts sin il campadi. Quai di la manadra dal camping Silvaplauna, Clarita Wyss. Dapi matg haja ella stagiun auta. Ina gronda part dals giasts sin il campadi sajan sportists d'aua. Il campadi sa chatta gist sper la scola da surfing – pia en ina situaziun privilegiada per surfras e kiters.
audio
Camping Silvaplauna: Intervista cun Clarita Wyss
04:26 min, ord Actualitad dals 22.07.2022.
laschar ir. Durada: 4 minutas 26 Secundas.
Sin la bartga dal lai da Segl
In pau auter è l'atmosfera sin il lai da Segl. Sin quest lai èn plitost da viadi bartgas a vela e bartgas da pestgaders. Sin il pli grond dals lais da l'Engiadin'Ota è dentant era da viadi ina bartga da lingia. Tenor atgnas indicaziuns èsi la pli auta bartga da lingia da l'Europa.
audio
Impressiuns da la bartga dal lai da Segl
03:21 min, ord Actualitad dals 22.07.2022.
laschar ir. Durada: 3 minutas 21 Secundas.
audio
Intervista cun Franco Giani, chapitani da la bartga
05:04 min, ord Actualitad dals 22.07.2022.
laschar ir. Durada: 5 minutas 4 Secundas.
Enfin trais giadas al di va quella tranter la mitad zercladur e la mitad october davent da Segl a Malögia ed enavos. Il chapitani Franco Giani fa quai dapi plirs decennis e la bartga è dapi trais generaziuns en mauns da la famiglia Giani.
Impressiuns dal di
1 / 5
Legenda:
En ses element:
Franco Giani è dapi plirs decennis chapitani sin la bartga.
RTR, Riccarda Müller
2 / 5
Legenda:
Al lieu da partenza: La bartga dal lai da Segl.
RTR, Riccarda Müller
3 / 5
Legenda:
Ina famiglia giauda il viadi cun la bartga.
RTR, Riccarda Müller
4 / 5
Legenda:
Sin viadi cun la bartga sin il lai da Segl.
RTR, Riccarda Müller
5 / 5
Legenda:
Turnads enavos cun la bartga.
RTR, Riccarda Müller
