Il venderdi saira ha l'Academia Engiadina preschentà a la radunanza generala las cifras da l'onn 2022. Marcanta è la diminuziun da scolars e scolaras sco era da studentas e students. Entant che 220 scolaras e scolars èn stads a la scola l'onn 2021 èn quai l'onn 2022 be pli stads 202 (-8%). Anc pli gronda è la differenza tar il studi. 131 persunas han visità la scola auta, l'onn avant eran quai anc 176, quai correspunda a -25%.
Malgrà quai resta il quint gulivà. Sch'ins sclauda la contribuziun dal chantun per la Chesa Naira dal 2021 è la svieuta dal 2022 cun bunamain 12 milliuns francs quasi medem auta sco l'onn avant. La finala serra il quint cun in pitschen minus da strusch 20'000 francs.
