L’Institut Otalpin Ftan ha cumenzà il 1993 cun ina lavur da pionier. La pussaivladad da cumbinar la scola cun in trenament en differents sports attira anc oz numerus giuvenils. La classa da sport frequentan actualmain 55 sportists.
Iniziant Joe Zangerl
Lantschà l’idea d’ina classa da sport aveva Joe Zangerl, il trenader dal campiun mundial da snowboard, Cla Mosca. Vesend ch’igl è fitg grev da cumbinar la scola cun in sport sin livel mundial, ha Zangerl realisà a la scola media a Ftan l’emprima classa da sport. In model ch'è vegnì copià suenter en tut la Svizra.
La classa da sport porscha in program d’assistenza che coordinescha tranter scola e sport. Quel porscha sper l’instrucziun da scola en ina classa regulara, ina planisaziun ed accumpagnament tar las cursas ed ils trenaments. La classa da sport sa basa sin 5 differents sports da naiv.
Bilantscha positiva
La pitschna classa da sport a Ftan po preschentar fitg buns atlets, tranter da quels 11 olimpionics. Ils pli enconuschents èn Dario Cologna, Nevin Galmarini, Irene Cadurisch, Elena Könz e Christian Haller. Cumenzà ha la classa da sport a l’Institut Otalpin a Ftan sco project da pionier il 1993, ussa porschan plirs gimnasis en Svizra classas da sport.
-
Bild 1 von 4Legenda: Giubieum per la classa da sport a Ftan Armon Schlegel -
Bild 2 von 4Legenda: La classa da sport da Ftan era l'emprima en Svizra Armon Schlegel
-
Bild 3 von 4Legenda: Trenament cun mintg'aura Armon Schlegel
-
Bild 4 von 4Legenda: Ils talents futurs èn pronts Armon Schlegel
RR actualitad 17:00