Ils 19 d'avrigl 1925 hai dà l'ultim grond incendi en Engiadina. A Susch èn arsas quella giada entaifer paucas uras 42 chasas. Be 18 da quests edifizis èn vegnids reconstruids, quai ha midà la vischnanca a moda persistenta. Hermann Thom, in abitant da Susch, è s'occupà intensivamain cun quest eveniment ed ha organisà in'exposiziun per commemorar la tragedia d'avant 100 onns.
-
Bild 1 von 4. Ils 19 d'avrigl 1925 hai dà in grond incendi a Susch. Bildquelle: MAD.
-
Bild 2 von 4. 42 chasas èn arsas. Bildquelle: MAD.
-
Bild 3 von 4. 18 chasas èn vegnidas refabritgadas. Bildquelle: MAD.
-
Bild 4 von 4. Intginas famiglias han bandunà il vitg per dal bun. Bildquelle: MAD.
Il fieu è rut or cura ch'ils pumpiers èn turnads d'in di d'exercizi. In pumpier alcoholisà vegn mess en connex cun l'erupziun dal fieu ch'è sa derasà spert tras in ferm vent ed ha devastà quasi l'entir vitg. Malgrà ils sforzs dals pumpiers da la regiun ha il fieu pudì vegnir stizzà pir suenter plirs dis.
Destins gravants per las famiglias
Bleras famiglias han bandunà Susch, perquai ch'ellas n'han betg pudì garantir ils meds finanzials per la reconstrucziun. L'assicuranza cuvriva be in terz dals custs, e las donaziuns n'han betg tanschì. L'eveniment ha gì consequenzas profundas per la cuminanza ed è vegnì vesì d'insaquants sco eveniment colliant, malgrà il trauma ch'el ha chaschunà.
Il pumpier ch'ha eventualmain chaschunà il fieu ha fatg suicidi pli tard e quai nutrescha vinavant speculaziuns davart sia culpa.
Or da l'archiv: