En il pli nov cudesch da Göri Klainguti survegnan ils objects ina vusch – ed i discurran perfin cun l'autur samedrin, e quai en 23 dialogs.
In cudesch en dialogs e dissegns
En quellas discussiuns ha Göri Klainguti er tessì chaussas a prima vista estras sco poesias dad Artur Caflisch e Rut Plouda. Natiralmain na dastgan betg mancar ils dissegns dal dissegnader passiunà Göri Klainguti.
Ideas naschidas en il mintgadi
Las ideas da scriver il cudesch sur da problems cun chaussas dal mintgadi sajan vegnidas tras il lavurar cun ellas – cun quai ch'ellas na fetschian betg adina quai che Göri Klainguti veglia. Ils problems, ch’el haja cun utensils banals sajan enconuschents a blers.
Scrit ha l’artist il cudesch da 184 paginas però simplamain or da plaschair:
Jau scriv perquai che jau ma divert e ma vi deliberar da chaussas che ma disturban. Quai è per mai ina terapia.
RR emissiun speziala da Zuoz 12:00+