Malgrà ch’igl è stà il pli chaud settember en l'istorgia, è l'emprim facit da la chatscha bun. Quai di Lukas Walser, il manader da la partiziun chatscha da l'Uffizi da chatscha e pestga.
audio
Emprima bilantscha da la chatscha
ord Actualitad dals 04.10.2023.
Maletg: Keystone
laschar ir. Durada: 3 minutas 10 Secundas.
- La preda da chamutschs e chavriels è stada sur la media, la chatscha da tschiervs sut la media dals davos onns.
- Fin gievgia pon chatschaders e chatschadras anc inoltrar lur statisticas finalas a l'uffizi, perquai n'hai anc naginas cifras davart la preda.
- Radund 5'300 persunas èn sa participadas quest onn a la chatscha. Da quai èn 280 stadas chatschadras.
La preschientscha dal luf han ins sentì: la selvaschina ha sa muventà dapli ed è stada pli activa, di Lukas Walser. Sentì han ins quai cunzunt là nua ch’i dat trieps da lufs, là nua ch’i dat mo singuls lufs betg uschè fitg. Fin october vul il chantun publitgar las cifras definitivas da la chatsch'auta 2023.
