La Partida verd-liberala Grischun ha nominà glindesdi las candidatas ed ils candidats per las elecziuns naziunalas da l'atun. 25 persunas da la partida èn vegnidas repartidas sin tschintg differentas glistas. Sin la glista principala èn las deputadas ed il deputà dal Cussegl grond, Géraldine Danuser, Laura Oesch e Walter von Ballmoos. Er sin questa glista stattan Sandro Pirovino, il vicepresident da la partida grischuna e Selina Solèr ch'è en la suprastanza da la partida.
La finamira da la Partida verd-liberala è da reconquistar il sez en il Cussegl naziunal. Dapi che Josias Gasser ha pers il 2015 ses plaz, n'ha nagin da la PVL grischuna pli dumagnà en il Cussegl naziunal.
Nossa finamira è da reconquistar il sez en il Cussegl naziunal – quai vegn a vegnir stretg.
Decisiv per il success tar la elecziuns è, cun tgi ch'ils verd-liberals fan colliaziuns da glistas - las ultimas duas giadas han ils Verd-liberals Grischun fatg in pachet cun la PS ed ils Verds. Questa giada han las partidas mamma sin il champ naziunal suttascrit ina cunvegna che prevesa che la PVL fetschia dapli colliaziuns cun l'Allianza dal Center. La president da la PVL Grischun di, ch'ins haja discurs cun tut las partidas e ch'ins vegnia a decider en las proximas emnas cun tgi ch'ins giaja en ina allianza per las elecziuns.
Nus manain discurs cun tut las partidas grischunas.
| GLISTA PRINCIPALA | GLISTA GIUVNA | GLISTA DA SUSTEGN | GLISTA DA SUSTEGN | GLISTA DA SUSTEGN |
| Géraldine Danuser, Cuira | Ruben Garbade, Avras | Gaudenz Bavier, Fläsch | Esther Maag, Fideris | Ivo Rohrer, Tusaun |
| Laura Oesch, Cuira | Leonie Meyer, Trimmis | Barbara Haller Rupf, Felsberg | Lorenzo Heis, Poschiavo | Fortunat Walther, Malans |
| Sandro Pirovino, Almens e Riom | Mattia Badrutt, Silvaplauna | Michael Hartmann, Lantsch | Ivano Laudonia, Cuira | Domenic Fried, Cuira |
| Selina Solèr, Claustra | Lukas Kistler, Tavau | Cla Mosca, Scuol | Stephan Weber, Seewis | Angela Heldstab, Saas |
| Walter von Ballmoos, Tavau | Jonas Leuthold, Grüsch | Simon Bernhard, Cuira | Johannes Meyer, Cuira | Martin Gieret, Bonaduz |
