Martin Christen è da nov en la suprastanza da la vischnanca d'Alvra. L'administraziun communala ha fatg enconuschent ils resultads da l'elecziun da remplazzament ils 3 da december.
Christen suonda a Rico Liesch en la suprastanza. Sa mess a disposiziun per il post han Christen e Markus Bläsi. Christen ha dentant survegnì 169 vuschs, e Bläsi 46. En tut han 223 persunas votà, 974 avessan gì il dretg da votar.
