La praschun Cazas Tignez è bain plaina. Bun 100 persunas èn il mument en la execuziun normala dal chasti. Gist durant la crisa da corona possian ins profitar fitg da la nova infrastructura da la praschun a Cazas.
Tuttina hajan ins stuì prender mesiras pervia dal coronavirus. Visitas n'èn betg lubidas e persunas che dastgan ir en vacanzas a chasa ston restar en la praschun, quai per evitar infecziuns. Il mument na saja anc nagin s'infectà cun il coronavirus entaifer la praschun.
