Il Stoffel, la figura litterara da Theo Candinas, era scappà da lezzas uras or da la praschun Sennhof, simplamain cun siglir or da fanestra. En la nova praschun a Cazas Tignez, n'avess el mai pudì far quai uschia. L'emprim avess el anc stuì sur ina saiv da fil d'arom cun spinas e lura sur in mir da 7 meters autezza.
Nus avain confruntà Martin Muoth, il responsabel per la segirtad en la nova praschun a Cazas Tignez cun differentas emprovas da fugia – da quellas realisticas e da quellas magari hollywoodescas – per guardar, quant segira che la nova praschun è.
RTR actualitad 08:00
