La regenza grischuna promova la selvicultura en il chantun cun passa 22 milliuns francs. Il chantun haja elavurà 5 projects regiunals en collavuraziun cun radund 200 possessuras e possessurs da guaud public e privat. Il chantun contriubescha radund 22 milliuns francs, tut en tut vegnan ils projects a custar var 28 milliuns francs.
Tar ils programs sa tracti da temas sco guaud da protecziun, diversitad dal guaud u er la cultivaziun da guaud giuven, hai num en ina communicaziun dal chantun. Cun las mesiras en tut quests programs, duai er il spazi da viver per ils animals selvadis vegnir valurisà pli ferm. Il project collectiv cumpiglia la tgira da 3'200 hectaras guaud.