Il pli emprim pon ins controllar la battaria gia ad egl. Co guarda la battaria or? Ha ella bottas u stgarps? Vesan ins perfin ruina? Tut quai èn indizis che la battaria n'è betg pli uschè buna. Sper la controlla ad egl duess ins era controllar la prestaziun da la battaria. Sche la prestaziun è sut 70% da la prestaziun d'ina battaria nova, lura è la battaria isada. Tut tenor per tge traject ch'ins dovra l'e-bike, basta quella battaria però tuttina.
Testar la fermezza da la battaria pon ins tar mecanists da velo u era tar il TCS. Per esser segir che la prestaziun basta, fa quai senn dad empruvar ora l'e-bike sin il traject ch'ins vegn a duvrar l'e-bike il pli savens. Il terz punct ch'ins duess ponderar bain è, da tge marca che la battaria duai esser. Pli gronda ed enconuschenta che la marca è e pli gronda è la probabilitad, ch'ins ha era anc en in pèr onns tocs da reserva.
