Il teater da Cuira è vegnì nominà en la categoria «prestaziun generala da la stagiun dad in teater» en in’enquista dal «Theaterverlag» tudestg. En quella han 46 criticras e critichers nominà ils «highlights» da la stagiun 2022/23 en il spazi linguistic tudestg da l'Europa (D-A-CH). Il teater da Cuira ha survegnì la vusch dal criticher da Turitg Andreas Klaeui. Quai sco unic teater cun gruppas da turnea en il territori da lingua tudestga.
Ursina Lardi e Bruno Cathomas era numnads
Sco quai ch'il teater da Cuira communitgescha vinavant, èn era acturas ed acturs dal Grischun vegnids numnads: l’actura grischuna Ursina Lardi ha survegnì trais votums - quai per sia interpretaziun da pliras rollas en la producziun «Verrückt nach Trost» da Thorsten Lensing. E dus votums ha survegnì l'actur grischun Bruno Cathomas per sia interpretaziun en sia atgna producziun «Peiden».