La terza chasa auta en il quartier da Cuira Vest stat sin chommas falombras. Cunter il messadi da votaziun tar il contract da dretg da construcziun a Cuira Vest – il qual il suveran da Cuira aveva approvà dumengia avant in'emna – datti recurs. Quai scriva la gasetta Südostschweiz.
Davos il recurs stat l'architect pensiunà Walter Schmid. Il recurrent reproscha a la citad da Cuira ch'il messadi na saja betg stà chapibel avunda. La dretgira administrativa dal chantun Grischun ha confermà envers la gasetta d'avair survegnì il recurs. La societad da construcziun City West vul construir a Cuira Vest ina terza chasa auta sumeglianta sco las duas existentas.