Tgi che va cun velo tras la via d'Alexander a Cuira vesa ina nova marca – en gronds bustabs stat numnadamain scrit «Velostrasse». Quai munta, che velos han prioritad, ma autos dastgan tuttina charrar vinavant tras quella. Perquai la nova definiziun tudestga da «Velostrasse». Auter perencunter èsi tar in «Veloweg», la munta quai ch'igl è ina via be per velos, autos na dastgan e na pon gnanc charrar sin questas vias. Questas definiziuns irriteschan però las velociclistas ed ils velociclists:
Jau na sai betg tge che quai vul dir. Jau pens ch'igl è da dar pli fitg adatg sin velociclists.
Jau ma sun dumandada, tge che quai munta precis.
Che questas definiziuns e marcas irriteschan, chapescha la Polizia da la citad da Cuira. Ensemen cun l'Uffizi da construcziun bassa da la citad da Cuira èn els londervi en ina gruppa da lavur dad elavurar ils plans per questa nova via. E la polizia è era responsabla per marcar quellas.
Nus avain savì, che sche nus introducin quest nov tip da via, lura dovri lavur da scleriment. Là essan nus londervi da meglierar la communicaziun.
Il mument è la via d'Alexander la suletta via ch'è definida sco via da velo, pia sco «Velostrasse» en il rom d'in project da pilot. La signalisaziun dal Plaz d'Alexander fin l'autezza da la Ottostrasse vegn a vegnir finalisada fin l'onn 2026. Auters projects per novas vias da velo n'èn il mument betg planisads, ma la polizia vesa grond potenzial en tals tips da via per il futur.
Or da l'archiv:
