Cuira - Nov num per plaz en onur da Clara e Leonhard Ragaz

«Plazza Ragaz» – quai è il nov num per il plaz tranter la baselgia Son Martin ed il Museum Retic. La citad da Cuira undra cun quai ils consorts Clara e Leonhard Ragaz, duas impurtantas persunalitads da l'istorgia da Cuira.

Sco la citad scriva, haja la Baselgia refurmada da Cuira fatg la dumonda da midar il num dal Plaz dal Museum a chaschun dal 150avel natalizi da Clara Ragaz. Ella saja stada ina pacifista e saja s'engaschada per ils dretgs da las dunnas, ella e ses um hajan gì influenza perfin en l'Europa.