Las stizuns en il center da cumpra «Steinbock» restan serradas enfin la fin dal mais. La raschun è in donn d'aua en il bajetg.
Las lavurs da sanaziun durian almain enfin ils 29 da matg, ha Urban Henzirohs da l'assicuranza Axa Winterthur che posseda il bajetg declerà envers la Suedostschweiz.
Atgnamain avessan las stizuns puspè dastgà avrir l'emna che vegn. Glindesdi è ina lingia d'aua d'in indriz automatic da stizzar fieu rutta ed ha mess sut l'aua il plaun sutterran dal center da cumpra «Steinbock».
