Tgi che discurra da confamigliars che tgiran, pensa il pli savens vid persunas da vegliadetgna mesauna ch'accumpognan u tgiran lur geniturs u parents attempads. Emblidà vegn savens ch'i dat in'ulteriura gruppa da confamigliars che tgiran, numnadamain uffants e giuvenils. Quels surpiglian gronda responsabladad a chasa e per lur vegliadetgna.
Studis da la Scola auta da sanadad «Careum» mussan che stgars 10% dals uffants e giuvenils en la vegliadetgna da 9 fin 16 onns surpiglian incumbensas da tgira e d'assistenza per in commember da famiglia. Las grondas grevezzas corporalas ed emoziunalas èn facturs da ristg per malsognas psichicas per ils Young Carers.