Da curt è in rapport da la Confederaziun vegnì a la conclusiun ch’il Grischun duai promover pli fitg il rumantsch. En il focus da la promoziun duai star la furmaziun. Cun questa pretensiun van la Lia Rumantscha ed il chantun d’accord – dentant ...
Lia Rumantscha: «Gea, ma i mancan ils raps»
Per mantegnair e promover il rumantsch dovria quai dapli daners per la Lia Rumantscha – quai na di betg mo la Lia, mabain era il rapport.
Senza la Lia fiss il rumantsch en in stan desolat. Ì dat dentant era critica:
La Lia sa sustegnia memia blers projects pitschens enstagl da sa focussar sin paucs gronds. La cultura stuessi vegnir stritgada e quests daners vegnir investids en la furmaziun. Ed i manchia ina strategia concreta.
Quest rapport è fitg impurtant. Sch'ins survegn daners dil maun public sche s'auda quai tiers ch'i vegn evaluà las prestaziuns, uschia pon ins far in program d'activitads cun buna conscienza.
Il chantun: «Gea, ma nus lain er ameglierar»
Il chantun fetschia memia pauc per il rumantsch, pretenda il rapport. Ins possia mo promover il linguatg sch'ins haja era il daners da far quai, di Jon Domenic Parolini, cusseglier guvernativ e schef dil departament d'educaziun:
In grond punct da critica èn ils meds d'instrucziun. Quai saja ina da las finamiras da meglierar la purschida, di Parolini:
Nus prendain serius la critica ed ils impuls e guardain co metter enturn.
Il departament d'educaziun evalueschia perquai il rapport ensemen cun ils partenaris che han in'incumbensa da prestaziun – numnadamain la Lia Rumantscha, la Pro Grigione Italiano e l'ANR.
La fin finala vegn il rapport er duvrà per definir, quants daners che la Confederaziun dat al Grischun per la promoziun da las linguas.
RR actualitad 17:40+
