La decisiun d'excluder la Radio Alpin Grischa SA da la procedura da concessiun fa surstar. In sulet criteri, la cumpart da persunal scolà en relaziun cun persunal en scolaziun, na consteva betg. La decisiun lascha enavos in tif negativ. Quai surtut er perquai che l'Uffizi federal da communicaziun (UFCOM) aveva menziunà en sia argumentaziun il cumenzament da schaner 2024 oravant tut criteris dal cuntegn, pertge ch'el aveva surdà la concessiun a Radio Alpin: spezialmain tar criteris per l'incumbensa d'infurmaziun, sco per exempel da cuvrir il territori da provediment u d’analisar e metter en context istorgias e schabetgs, haja la candidatura da Radio Alpin persvadì.
Flavio Bundi
schefredactur RTR
Ussa èsi damai in «sbagl formal» che ha decidì definitivamain la surdada da la concessiun da radio per ils proxims 10 onns en la regiun da la Svizra Sidorientala e Glaruna. Ed igl è oravant tut er in sbagl formal, cun il qual Roger Schawinski fa naufragi. Il cumbat cunter ses pli grond rival para dad esser pers ina davosa giada. Almain ina chaussa è d’attribuir a Schawinski: grazia ad el è il num «Radio Grischa» puspè enavos.
Tge è Vossa opiniun? Jau ma legrel sin il barat:
flavio.bundi@rtr.ch
