Club da traffic VCS GR - Acziun per reducir il tempo a Cuira
Il club da traffic VCS dal Grischun ha fatg ina acziun a la Grabenstrasse a Cuira. Per render attent il traffic han commembras e commembers dal club pendì si placats cun tempo 30 e da quels per la zona da scuntrada. Ina da quellas zonas è la finamira dal club.
Per pudair far ina zona da scuntrada, stuessi dar ina midada tranter la via cantunala e la via communala. Actualmain è la la Grabenstrasse via chantunala e la Ringstrasse è via communala. Ina zona da scuntrada cun tempo 20 è però be pussaivla sin ina via communala. Perquai propona il VCS da midar la Grabenstrasse en ina via communala e la Ringstrasse en ina via chantunala. Era ils parcadis vegnessan uschia davent, quai che fiss in dischavantatg per las butias en il conturn. Sch'i n'avess betg da gartegiar cun la zona da scuntrada, fiss la proxima proposta dal VCS da far enstagl da la zona 20, ina zona cun tempo 30. Quai è er pussaivel sin ina via chantunala.
1 / 3
Legenda:
Il tschancun via pertutgà tranter Unter- ed Obertor a l'ur da la citad veglia da Cuira.
RTR
2 / 3
Legenda:
La via Grabenstrasse è via chantunala, la Ringstrasse è via communala.
RTR
3 / 3
Legenda:
Idea da far in barat
Per pudair relantar il traffic sin la Grabenstrasse, stuess quella daventar via communala. Persuenter fiss la Ringstrasse ina via chantunala.
RTR
L'entir project è però sulettamain ina proposta e betg anc pli lunsch en la realisaziun. Er il barat da las vias tranter chantunala e communala è sulettamain ina da pliras variantas en la strategia da mobilitad 2030 da la citad da Cuira.
