L’alp Gunn sur Claustra è vegnida stgargiada il venderdi, suenter in'attatga da lufs. Stgarpadas èn 16 nursas vegnidas. Las 750 nursas da l'alp Gunn vegnan ussa repartidas sin autras alps – da Glaruna enfin Val Son Pieder.
Sco quai che, Willi Däscher, il president da la corporaziun d’alp Gunn ha ditg, na pudevan els betg pli garantir ina protecziun adequata da las nursas sin l'alp Gunn. E tenor el na vegn l'alp en il futur betg pli en dumonda per chargiar nursas.